Shayari SMS

Urdu Shayari

Neendein bhi meri ankhon se churati hai wohi

Neendein bhi meri ankhon se churati hai wohi
So jaoon to khawabon mein satati hai wohi
Har zakham ka khaliq bhi koi aur nahi hai
Har zakham pe marham bhi lagati hai wohi
Veeran bhi rakhti hai shab-o-roz wo meri
Kamrey mein phool bhi sajati hai wohi
Youn to mujhe wo yaad kiya karti hai aksar
Jab chahe magar bhool bhi jati hai wohi
Ye bhi theek hai bhool gaya hoon main usey
Ye bhi ghalat hai ke mujhe yaad nahi aati wohi……

in my dreams u r mine…
in my life ur a dream…

Urdu Shayari

Ae Naye Saal Bata Tujh Mein Niya Kia Hai?

Ae Naye Saal Bata Tujh Mein Niya Kia Hai?
Har Taraf Khalq Nay Kiun Shor Macha Rakha Hai

Roshni Din Ki Wohi Taron Bhari Raat Wohi
Aaj Hum Ko Nazar Aati Hai Har Baat Wohi

Aasman Badla Hai Afsoos, Na Badli Hai Zameen
Aik Hindsay Ka Badalna Koi Jiddat To Nahi

Aglay Barson Ki Tarah Hongay Qareenay Teray
Kisay Maloom Nahi Barah Mahinay Teray

Junuary, February Or March Mein Paray Sardee
Or April, May, June Mein Hogee Garmee

Tera Mun Dehar Mein Kuch Khoye Ga Kuch Paye Ga
Apni Miyad Basar Karkay Chala Jaye Ga

Tu Naya Hai To Dikha Subah Nayi, Shaam Nayi
Warna In Aankhon Nay Dekhay Hain Naye Saal Kayi

Be-Sabab Daitay Hain Kiun Log Mubarakbadain
Ghaliban Bhool Gaye Waqt Ki Karwi Yaadain

Teri Aamad Say Ghati Umer, Jahan Mein Sub Ki
Faiz Nay Likhi Hai Yeh Nazam Niralay Dhab Ki…

Urdu Shayari

Mari zindagi ka karar bhee tu

Mari zindagi ka karar bhee tu
Mari her khushi ka izhar bhee tu

Mara bey-tehasha piyar bhee tu
Mari khuwaishoon ka dedar bhee tu

Mari ankhoon ka hai noor bhe tu
Mari zindagi ka saroor bhee tu

Maray ghum mein hai dhaal bhee tu
Maray her per waqt zehan-o-guman mein tu

Mari zindagi ka aarough bhee tu
Mari zindagi ka zawal bhee tu

Mari ashiqi ki sachi misal bhee tu
Mari zindagi ka husn-o-jamal bhee tu

Maray dil ka her aik khayal bhee tu
Mara wajood ka ____ hai ahsas bhee tu

Urdu Shayari

Main Ne Parindo Se Pyaar Kya To

Pyaar
Main Ne Parindo Se Pyaar Kya To,,
Woh Urh Gaya

Main Ne Sooraj Se Pyaar Kya To,,,
Woh Gharoob Ho Gaya

Main Ne Chand Se Pyaar Kya To,
Woh Badlon Main Chup Gaya

Main Ne Pani Se Pyaar Kya To,
Woh Beh Gaya

Main Ne Baraf Se Pyaar Kya To,
Woh Pighal Gaya

Main Ne Barish Se Pyaar Kya To,
Woh Baras K Thum Gaya

Main Ne Aag Se Pyaar Kya To,
Woh Bujh Gai

Main Ne Phoolon Se Pyaar Kya To,
Woh Murjha Gaya

Main Ne Kanto Se Pyaar Kya To,
Wo Toot Gaya

Main Ne Janwaron Se Pyaar Kya To,
Woh Meri Zaban Na Samjh Sakay

Or Jab..Main Ne Insaan’on Se Pyaar Kya To,
Woh Be-Wafa Niklay

Urdu Shayari

Nice Nazam….

Teri yaad nay

Teri yaad nay meray dil ko saja rakha hai
teray pyar main sab ko bhula rakha hai

kuch acha nahin legta teri judai kay baad
ek teri yaad ko sinay say laga rakha hai

tera milna to abb aik khawab hi lagta hai
najanay abb kyoon dil ko bhula rakha hai

sab kuch lut gaya hamara teray pyar main
teri yaad ko palkoon main chupa rakha hai

muqadar say miltay hain bichar kay warna
ajj bhi tera naam dil main saja rakha hai

najanay koi nahin basta teray siva ankh main
aik teri tasveer ko dil main chupa rakha hai ”

Urdu Shayari

“Last Call” – A Nazm…

Kal hamesha ki tarah us nay kaha yeh phone per
mai bahut masroof hoon mujhko bahut say kaam hain
is liye tum ao milnay, mai tu asakti nahin
har riwayat tor kar is bar mainay kah diya
tum jo ho masroof tu mai bhi bahut masroof hoon
tum jo ho mashhoor tu mai bhi bahut maroof hoon
tum agar gamgin ho mai bhi bahut ranjore hoon
tum thakan say choor ho tu mai bhi thakan say choor hoon
jaan-e-man hai wakt mera bhi bahut hi keemti
kuch puranay doston nay milnay ana hai abhi
mai bhi ab faarigh nahi mujh ko bhi lakho kaam hain
warna kahnay ko tu sab lamhay tumharay naam hain
meri ankhain bhi bahut bojhal hain sauna hain mujhay
ratjagon kay baad ab neendon mai khona hai mujhay
mai lahu apni anao ka baha sakta nahin
tum nahin atin tu milnay asakta nahin
us ko yeh kah kay WASI mai receiver rakh diya
aur phir apni ana kay paon pay sar rakh diya